വളരെ കുറഞ്ഞ കാലം കൊണ്ട് സോഷ്യൽ മീഡിയ മുഴുവനാക്കി ഇളക്കിമറിച്ച ഒരുവെബ് സീരിസ് ആയിരുന്നു കരിക്ക്. വെറുമൊരു യൂട്യൂബ വീഡിയോയ്ക്ക് ലക്ഷക്കണക്കിന് ആരാധകർ ഉണ്ടാകുമെന്ന് തെളിയിച്ച ഒരു ആയിരുന്നു കരിക്ക്. സിനിമയെ വെല്ലുന്ന പുതിയ വീഡിയോകളുമായി കരിക്ക് ഇപ്പോഴും തുടർന്നുകൊണ്ടിരിക്കുന്നു. കരിക്കലെ മുഴുവൻ താരങ്ങളും ഇപ്പോൾ സിനിമയിലേക്കും ചുവടുവെപ്പ് നടത്തിയിരിക്കുകയാണ്.
അതിൽ തന്നെ അർജുനും മലയാള സിനിമയിലേക്ക് ആരംഭം കുറിച്ചിരിക്കുന്നു.ഇപ്പോഴിതാ ആരാധകർക്കായുള്ള പുതിയ സന്തോഷവാർത്തയാണ് എത്തിയിരിക്കുന്നത്. കരിക്കിലെ എല്ലാവരുടെയും പ്രിയപ്പെട്ട അർജുൻ രത്തന്റെ വിവാഹ ചടങ്ങുകളാണ് സോഷ്യൽ മീഡിയയിൽ വൈറൽ ആയി കൊണ്ടിരിക്കുന്നത്. ശിഖ മനോജ് ആണ് അർജുന്റെ വധു.
പുതിയ ആരംഭം എന്ന കുറിപ്പോടെ അർജുൻ തന്റെ വിവാഹചിത്രങ്ങൾ സോഷ്യൽ മീഡിയയിലൂടെ പങ്കുവച്ചു. കഴിഞ്ഞവർഷം ആയിരുന്നു അർജുൻ വിവാഹിതൻ ആകാൻ പോകുന്നു എന്ന വാർത്ത ശിഖയുമായുള്ള എൻഗേജ്മെന്റ് ചിത്രങ്ങളിലൂടെ അർജുൻ അറിയിച്ചത്. ഇപ്പോൾ ഇതാ ഒരു വർഷത്തിനുശേഷം ഇരുവരും വിവാഹിതനായിരിക്കുന്നു. ഗുരുവായൂർ അമ്പലനടയിൽ വെച്ച് വലിയ ആർഭാടങ്ങൾ ഒന്നുമില്ലാതെ ഒരു വിവാഹ ചടങ്ങായിരുന്നു നടന്നത്.
കസവു നിറത്തിലുള്ള വസ്ത്രങ്ങളാണ് ഇരുവരും ധരിച്ചെത്തിയത്. തുളസി മാലയും കഴുത്തിലിട്ട് ഗുരുവായൂരപ്പനെ തൊഴുതു നിൽക്കുന്ന താരങ്ങളുടെ ചിത്രങ്ങൾ ഇതിനോടകം തന്നെ സോഷ്യൽ മീഡിയയിൽ വൈറൽ ആണ്. കരിക്ക് ടീമിലെ മുഴുവൻ താരങ്ങളും വിവാഹ സമയത്ത് ഗുരുവായൂർ അമ്പലനടയിൽ ഉണ്ടായിരുന്നു. നിരവധി ആരാധകരാണ് താരത്തിന് വിവാഹമംഗളാശംസകൾ നൽകി സോഷ്യൽ മീഡിയയിൽ എത്തിയിരിക്കുന്നത്.
